2025 оны долоодугаар сарын 11-ний өдөр Жаргалант суманд Ховд аймгийн Үндэсний их баяр наадмын хүрээнд зохион байгуулагдаж буй сурын харваа тэмцээн гурав дахь өдрөө амжилттай үргэлжилж байна.
Тус тэмцээнд зөвхөн Ховд аймгийн харваачдаар хязгаарлагдахгүйгээр Увс, Говь-Алтай, Баян-Өлгий зэрэг баруун бүсийн аймгуудаас нийт 300 орчим харваач цуглан оролцож байгаа нь энэ жилийн тэмцээний цар хүрээ, ач холбогдлыг харуулж байна.
Оролцогчдын ангилал:
- Урианхай сурын харваа: 90 гаруй харваач
- Үндэсний сурын харваа: 160 гаруй харваач
- Өсвөрийн ангилал: 40 гаруй хүүхэд
Сурын харваачид Монголын уламжлалт мэргэн ухаан, нарийн уран чадвараа уралдуулан, харвах үйлд бүрдээ эх түүх, уламжлалаа хүндэтгэж буйгаа харуулж байна. Харваачид энэ удаагийн тэмцээнд зөвхөн мэргэн оносон сумаар бус, төлөв даруу ёс жудаг, тэвчээр тэсвэрээрээ өрсөлдөж буйг зохион байгуулагчид онцолжээ.
Шилдэг оролцогчдын шагналыг өнөөдөр буюу долдугаар сарын 11-ний өдөр гардуулж, тэмцээний хаалтын ажиллагааг ёслол төгөлдөр зохион байгуулах юм.
