2025 оны долоодугаар сарын 20-22-ны өдрүүдэд Дорноговь аймгийн Улаанбадрах сумын түүхт 100 жилийн ойг тэмдэглэн, баяр наадмыг ёслол төгөлдөр зохион байгууллаа. Наадмын хүрээнд зохион байгуулсан соёолон насны морьдын уралдаанд нийт 61 хурдан хүлэг гарааны зурхайгаас эргэлээ.
Тус уралдаанд Дорноговь аймгийн Өргөн сумын харьяат, аймгийн алдарт уяач Буян-Өлзийн Баярбилэгийн бор үрээ баруун зурхайг торойтол өнгөлж түрүүлсэн бол аман хүзүүнд нутгийн уяач Энхтүвшингийн Энхжингийн уясан “Хутагт” халтар хурдалсан байна.
Хурдан соёолонгийн уралдааны айргийн тав дараах байдлаар тодорлоо:
Түрүү — Өргөн сумын Б.Баярбилэгийн бор
Аман хүзүү — Улаанбадрах сумын Э.Энхжингийн “Хутагт” халтар
Айргийн гурав — Улаанбадрах сумын А.Баттогтохын хээр
Айргийн дөрөв — Улаанбадрах сумын Т.Алтансүхийн саарал
Айргийн тав — Алтанширээ сумын Э.Шинэбаярын зээрд халзан
Энэхүү наадам нь орон нутгийн уяачдын хөдөлмөрийг үнэлж, уламжлалт хурдан морины өв соёлыг залуу хойч үед өвлүүлэн үлдээх, нутаг нутгийн хурдан буянуудын хурдыг сорих чухал арга хэмжээ боллоо.
