Нийтийн тээврийн бодлогын газар иргэдийн зорчих нөхцөлийг сайжруулах хүрээнд Д:11, Д:12, Д:13 гэсэн гурван шинэ чиглэлийг шинээр нээж, Д:1 чиглэлийн замналд өөрчлөлт оруулжээ.
Д:1 чиглэлийн шинэчлэл
Баянзүрх дүүргийн 10 дугаар хорооны иргэдийн зорчих эрэлт хэрэгцээг хангах зорилгоор нийтийн тээврийн Д:1 “Шархадны эцэс–Ботаник” чиглэлийн маршрутыг шинэчилж, Д:1 “Шархад–Хангамж–Ботаник” болгон өөрчилсөн байна.
Шинэ чиглэлүүдийн дэлгэрэнгүй
Баянзүрх дүүргийн 24 дүгээр хорооны оршин суугчдын зорчих хэрэгцээг нэмэгдүүлэх зорилгоор дараах гурван чиглэлийг шинээр үйлчилгээнд нэвтрүүллээ:
- Д:11 – “Офицеруудын ордон – Эрдэнэтолгой – Цахлай – 422 дугаар худаг”
- Д:12 – “Баянзүрх дүүргийн 35 дугаар хороо – Улиастайн шинэ эцэс”
- Д:13 – “Улиастайн шинэ эцэс – Шархадны эцэс”
Иргэдэд зориулсан мэдээлэл
Шинэ чиглэлүүдийн зураглал, маршрут-ыг нийтийн тээврийн албан ёсны мэдээллийн сувгуудаар нийтэлсэн тул иргэд тухайн чиглэлд зорчихдоо шинэчилсэн зураглалтай танилцахыг анхааруулжээ.
Мөн чиглэлтэй холбоотой санал хүсэлтийг 70044040 дугаарын утсаар хүлээн авч, шуурхай шийдвэрлэх аж.
