Бүртгэлийн өөрчлөлт
IEM Chengdu 2025 тэмцээн эхлэхээс нэг долоо хоног гаруйн өмнө, 10-р сарын 22-нд The MongolZ баг бүрэлдэхүүндээ өөрчлөлт хийх шийдвэр гаргасан нь олон хүнийг гайхшируулав. Улирлын турш өндөр үнэлгээтэй тоглож байсан Азбаяр “Senzu” Мөнхболдыг сэлгээнд суулгасан бөгөөд удирдлагын зүгээс энэхүү өөрчлөлтийн талаар дэлгэрэнгүй тайлбар хийгээгүй. Муу тоглолтоос биш байсан нь ойлгомжтой ба интернэт орчинд Senzu-гийн урам зориг буурсан, ESL Pro League S22-ийн дараах дарамттай холбоотой гэх мэт янз бүрийн таамаг яригдсан ч албан ёсны мэдээлэл хийгдээгүй байна.
Senzu сэлгээнд суусны дараа баг гурван томоохон тэмцээнүүдэд орох хуваарьтай байсан. Баг олон улсын 1xBet компанитай хамтран ажилладаг ба бүх тэмцээнүүдэд бүрэн бүрэлдэхүүнтэй оролцох нь амин чухал байв.
- IEM Chengdu 2025 — 11-р сарын 3–9
- BLAST Rivals Fall 2025 — 11-р сарын 12–16
- StarLadder Budapest Major 2025 — 11-р сарын 24 – 12-р сарын 14
Шахуу хуваарь нь орлон тоглогчийг яаралтай сонгох шаардлагагийн бий болгож, богино хугацаанд хамгийн зөв сонголт хийхээс өөр аргагүй болсон.
Яагаад Controlez-г сонгосон бэ?
Баг академийн залуу тоглогчдоос сонгож болох байсан ч, дэлхийн түвшний тэмцээнүүдийн ач холбогдлыг бодолцон туршлагатай тоглогч сонгох нь хамгийн зөв алхам гэж үзсэн. The MongolZ-ийн удирдлага энэ удаад Монголын топ хоёр баг болох The Huns Esports болон Chinggis Warriors-оос боломжит нэрсийг судалжээ.
Олон хүний таамаглаж байсан сонголт нь The MongolZ-ийн хуучин тоглогч Баатархүү “Bart4k” Батболд байсан ч, удирдлага өөр шийдвэрт хүрч, Chinggis Warriors-ийн ахмад тоглогч Өнөдэлгэр “controlez” Баасанжаргалыг сонгосон. Controlez-ийн өгүүлснээр The MongolZ түүнийг багийн уур амьсгалыг зөв удирддаг, ямар ч үед тогтвортой байж чаддаг, манлайллын үндсэн чадваруудаас нь болж урьсан байна.
Сэлгээний тоглогчтой тоглолт — IEM Chengdu 2025
IEM Chengdu 2025 нь ESL Grand Slam-ийн нэг хэсэг бөгөөд 1 сая ам.долларын шагналын сантай, VRS оноо олгодог нэр хүндтэй арга хэмжээ. Ийм том тавцанд шинэ бүрэлдэхүүнтэй оролцох нь The MongolZ-д том сорилт болсон.
Шинэ тоглогчтой эхний тоглолт HEROIC-ийн эсрэг амжилттай эхэлсэн. Overpass мап дээр багахан зөрүүтэй ялагдсан ч Inferno болон Ancient мапууд дээр илт давуу тоглож, эхний ялалтаа авсан. Controlez энэ тоглолтод 1.20 рейтинг авч, багийнхаа дотор хоёрдугаарт бичигдсэн нь шинээр ирсэн тоглогчийн хувьд маш сайн үзүүлэлт байв.
Дараагийн тоглолт Astralis-ийн эсрэг амаргүй өрнөж, хоёр мап дараалан ялагдсан. Энэ тоглолтод багийн дөрвөн тоглогч 1.0-аас доош үнэлгээтэй байсан тул шинэ тоглогчийн хариуцлага байсангүй.
Доод шатанд The MongolZ байгаа бүхнээ гаргаж paiN Gaming болон Team Spirit багуудыг ялж, плей-оффт шалгарав. Team Spirit-ийн эсрэг шийдвэрлэх Mirage мап дээрх тоглолт The MongolZ-ийн үзүүлсэн гайхалтай тоглолтуудын нэг байсан. Controlez мөн тогтвортой өндөр үзүүлэлтээ хадгалсан.
Плей-оффын эхний шатанд FURIA багт хожигдсон ч FURIA уг тэмцээнд аваргалсан нь The MongolZ багийн тоглолт хангалттай сайн байсныг илтгэнэ. Controlez багийнхаа дотор 910-ын дараа хоёрдугаарт орсон үзүүлэлттэй хэвээр байсан нь шинэ тоглогч багийн тоглолтод ямар хурдан дасан зохицож байгааг харуулсан.
IEM Chengdu 2025-ын эцсийн дүн нь:
- 3 ялалт,
- 2 ялагдал,
- Плей-оффт шалгарсан,
- 5–6-р байр,
- $12,500 шагнал.
BLAST Rivals Fall 2025
IEM Chengdu тэмцээн дууссанаас ердөө гурван хоногийн дараа BLAST Rivals Fall 2025 Хонконгт эхэлсэн бөгөөд The MongolZ шууд оролцохоор замд гарсан. Ердөө найман баг өрсөлдсөн энэхүү тэмцээн The MongolZ-д дахин нэг сорилт болсон.
Эхний тоглолт Passion UA багийн эсрэг маш ширүүн өрнөж, гурван мап үргэлжилж The MongolZ ялагдал хүлээв. Гэхдээ Controlez багийнхаа хоёр дахь өндөр үзүүлэлттэй тоглогч хэвээр байлаа.
Дараагийн тоглолт Team Spirit-ийн эсрэг байсан бөгөөд хоёр мап дараалан хожигдов. Controlez энэ удаа 1.25 рейтингээр багийнхаа хамгийн өндөр үзүүлэлттэй тоглогч болсон нь багийн амжилтад нөлөөлж чадаагүй ч хувийн үзүүлэлтийн хувьд маш сайн тоглосон гэдгийг харуулсан.
BLAST Rivals Fall 2025-ын эцсийн дүн:
- 0 ялалт,
- 2 ялагдал,
- 7–8-р байр,
- $10,000 шагнал.
Дүгнэлт
Шинэ бүрэлдэхүүнтэй The MongolZ баг улирлын эхний хоёр том тэмцээнд амаргүй өрсөлдөөнд орсон ч шинээр ирсэн тоглогч Controlez багийн тоглолтын чанарыг алдагдуулах бус, харин ч тогтвортой байдал нэмсэн нь статистикаас тодорхой харагдаж байна. Controlez бүх гол тоглолтуудад багийнхаа шилдэг хоёр тоглогчийн нэг байсан нь энэ солилцоо зөв шийдвэр байсныг баталж өглөө.
StarLadder Budapest Major 2025 тэмцээнд 1xBet компанийн дэмжлэгтэй The MongolZ баг ийм хэмнэл, ийм тогтвортой тоглолттой очиж чадвал, плей-оффт өрсөлдөхөөс гадна анхны том амжилтаа байгуулах боломжтой болж байна.
