Дарь эхэд гарсан хүн амины хэрэг
Баянзүрх дүүргийн нутаг дэвсгэр Дарь эхэд хүн амины ноцтой хэрэг бүртгэгдлээ. 30 настай эмэгтэйг 3 болон 4 настай охидынх нь хамт хутгалсан бөгөөд ээж, 4 настай охин нь амь насаа алдсан харамсалтай хэрэг гарсан байна.
ЦЕГ-оос өгсөн мэдээлэл
Энэ талаар ЦЕГ “ Цагдаагийн байгууллагад 2026.01.04-ний өдрийн 23.00 цагийн орчимд БЗД-ийн 27 хорооны нутаг Дунд дарь эх ….. тоотод “манай эхнэр нас барсан байна” гэх мэдээлэл бүртгэгдсэн. Дуудлага мэдээллийн дагуу шалгалтын ажиллагааг явуулахад 30 настай, эмэгтэй М, 4 настай, эмэгтэй А, 3 настай, эмэгтэй, А нарын биед мэс ашиглан халдаж, М, 4 настай А нарын амь нас хохирсон болох нь урьдчилсан байдлаар тогтоогдоод байна. Дээрх хэрэгт ЦБ-аас ажлын хэсэг байгуулан иргэн 48 настай эрэгтэй Б-г холбогдуулан шалгалтын ажиллагаа явуулж байна. Цаашид хэрэгт мөрдөн шалгах ажиллагаа явагдаж байгаа тул хэргийн талаар дэлгэрэнгүй мэдээллийг нийтэд мэдээллэх боломжгүй. 3 настай эмэгтэй А-н биеийн байдал хүндэвтэр эмнэлэгийн байгууллагын хяналтад эмчлэгдэж байгаа” гэлээ.
Сэжигтэн болон мөрдөн шалгах ажиллагаа
Уг хэрэгт цагдаагийн байгууллага ажлын хэсэг байгуулж, 48 настай эрэгтэй Б-г холбогдуулан шалгалтын ажиллагаа явуулжээ. Хэргийн мэдээлэлд дурдсанаар тухайн үйлдлийг хийсэн байж болзошгүй этгээд нь хажуу айлын хөрш байж мэдэхээр байгаа талаар тэмдэглэсэн байна.
Шүүхийн шийдвэрээр цагдан хорьсон нь
Дээрх этгээдийг баривчлах шийдвэрийг шүүх хүчинтэйд тооцож, улмаар сэжигтнийг цагдан хорьсон байна.
