3х3 сагсан бөмбөгийн Азийн аварга шалгаруулах тэмцээн Сингапур улсад дөрөвдүгээр сарын 1-5-ны хооронд зохион байгуулагдана. Энэхүү тэмцээн 2013 онд Катарын Доха хотод анх зохион байгуулагдаж байсан бөгөөд сүүлийн жилүүдэд Сингапурт тогтмол болж байна. Ирэх жил тус тэмцээн Улаанбаатар хотод зохион байгуулагдах товтой.
Монголын шигшээ багийн бүрэлдэхүүн
Эрэгтэй:
- Э.Сугар-Очир
- Г.Болд-Эрдэнэ
- М.Чинхутаг
- Н.Ганбаатар
Эмэгтэй:
- Б.Ариунцэцэг
- Э.Нарангоо
- Н.Нандинхүсэл
- О.Хулан
Тэмцээний формат
Азийн 45 улсаас 43 нь оролцож байна. Эхний хоёр өдөр чансаанд багтаагүй 35 улсын багууд урьдчилсан шатанд өрсөлдөж, дөрвөн баг үндсэн шатанд шалгарна. Үндсэн шатанд эрэгтэй, эмэгтэй тус бүр 12 баг өрсөлдөж аваргаа тодруулна.
Эрэгтэй ангилал
Австрали таван удаа түрүүлсэн амжилтаар тэргүүлдэг. Монголын баг:
- 2 алт
- 2 мөнгө
- 1 хүрэл
медаль хүртсэн үзүүлэлтээр дэд байрт бичигддэг.
Үндсэн хэсгүүд:
- А: Монгол, Хятадын Тайпэй + урьдчилсан шат
- Б: БНХАУ, Австрали + урьдчилсан шат
- С: Япон, Сингапур + урьдчилсан шат
- Д: Шинэ Зеланд, Катар + урьдчилсан шат
Эмэгтэй ангилал
Австралийн баг мөн эмэгтэйчүүдэд давамгайлж, таван алт хүртсэн. Монголын эмэгтэй баг:
- 1 мөнгө
- 1 хүрэл
амжилттай.
Үндсэн хэсгүүд:
- А: БНХАУ, Тайланд + урьдчилсан шат
- Б: Монгол, Шинэ Зеланд + урьдчилсан шат
- С: Япон, Сингапур + урьдчилсан шат
- Д: Австрали, Филиппин + урьдчилсан шат
