Ойрх Дорнод дахь мөргөлдөөн хурцадсантай холбоотойгоор газрын тосны үнэ огцом өсөж, Азийн хөрөнгийн зах зээлүүд уналт үзүүллээ.
Брент маркийн газрын тосны үнэ 3 хувиар нэмэгдэж, нэг баррель нь 115 ам.доллар давсан бол АНУ-ын нефтийн үнэ 2 хувиар өсөж 101.62 ам.долларт хүрсэн байна.
Дайн зах зээлд нөлөөлөв
АНУ, Израиль болон Ираны хооронд үргэлжилж буй зөрчил тав дахь долоо хоногтоо орсноор зах зээлд тодорхойгүй байдал үүсгэж, үнэ өсөхөд нөлөөлжээ. Мөн Йемен дэх Ираны дэмжлэгтэй хусит босогчид Израил руу довтолсон нь нөхцөл байдлыг улам хурцатгасан байна.
Үүний дараа Иран хариу арга хэмжээ авахаа мэдэгдсэн нь дэлхийн зах зээлд сөргөөр нөлөөлжээ.
АНУ-ын Ерөнхийлөгч Дональд Трамп “Ираны газрын тосыг булаан авч” эдийн засгийн чухал бүс болох Харг арлыг эзлэх боломжтой талаар мэдэгдсэн нь мөн зах зээлийн савлагааг нэмэгдүүлсэн байна.
Азийн биржүүд уналтад орлоо
Газрын тосны үнэ өссөнтэй зэрэгцэн Азийн гол индексүүд буурсан үзүүлэлттэй хаагджээ:
- Японы Nikkei 225 индекс – 2.8% буурсан
- Өмнөд Солонгосын Kospi индекс – бараг 3% унасан
Ормузын хоолойгоор дамжих тээвэрлэлтийн эрсдэл нэмэгдсэн нь нефтийн нийлүүлэлтэд дарамт үзүүлж, үнэ цаашид өсөх хүлээлт үүсгээд байна.
Энэ сарын байдлаар брент газрын тосны үнэ нийтдээ ойролцоогоор 59 хувиар өсөөд байгаа юм.
