Монгол Улсын Ерөнхийлөгч Ухнаагийн Хүрэлсүх, гэргий Лувсандоржийн Болорцэцэг нар Шанхайн Хамтын Ажиллагааны Байгууллагын (ШХАБ) гишүүн орнуудын Төрийн тэргүүн нарын зөвлөлийн өргөтгөсөн хуралдаанд оролцохоор БНХАУ-ын Тяньжин хотноо хүрэлцэн ирлээ.
Тэднийг БНХАУ-ын дарга Ши Жиньпин, гэргий Пөн Лиюань нар албан ёсны ёслол хүндэтгэлтэйгээр угтан авсан байна.
Ёслолын арга хэмжээний дараа ШХАБ-ын гишүүн болон ажиглагч орнуудын төрийн тэргүүн нар, ШХАБ+ форматад хамрагдаж буй улс орнуудын төлөөлөгчид, олон улсын байгууллагын удирдлагууд болон тэдний гэргий нар хамтдаа дурсгалын гэрэл зураг татуулжээ.
Ерөнхийлөгч У.Хүрэлсүх есдүгээр сарын 2-нд болох өргөтгөсөн хуралдаанд оролцож, Монгол Улсын байр суурь, олон талт хамтын ажиллагааны талаар үг хэлэхээр төлөвлөгдөж байна.
