Плей-оффт шууд шалгарах боломжоо ашиглаж чадсангүй
Цахим спортын CS2 төрлийн “PGL Astana 2026” тэмцээн Казахстан улсад үргэлжилж байна. Нийт 800 мянган ам.долларын шагналын сантай тус тэмцээнд дэлхийн болон бүс нутгийн шилдэг багууд өрсөлдөж байгаа юм.
Монголын The MongolZ баг өнөөдөр Swiss шатны чухал тоглолтоо Falcons багийн эсрэг хийж, 1:2 харьцаагаар хожигдлоо. Хэрэв энэ тоглолтод ялсан бол The MongolZ плей-офф шатанд шалгарах боломжтой байв.
Шийдвэрлэх Mirage нэмэлт цагт дуусав
Тоглолтын эхний Dust2 мап дээр Falcons ялалт байгуулсан бол The MongolZ дараагийн Inferno мап дээр хариуг нь барьж, цувралыг тэнцүүлсэн байна.
Ингээд шийдвэрлэх тоглолт Mirage дээр өрнөсөн. Монголын баг хэсэг хугацаанд давуу байдалтай тоглосон ч ялалтаа баталгаажуулж чадсангүй. Улмаар тоглолт нэмэлт цагт шилжиж, Falcons шийдвэрлэх мөчүүдэд илүү тогтвортой тоглон ялалт байгуулжээ.
Энэхүү үр дүнгээр Falcons плей-офф шатанд шалгарсан бол The MongolZ тэмцээнийг үргэлжлүүлэн тоглох сүүлийн боломжтой үлдлээ.
The MongolZ 2-2 үзүүлэлттэй боллоо
Falcons-т хожигдсоноор The MongolZ Swiss шатанд 2 хожил, 2 хожигдолтой боллоо. Одоо Монголын баг маргааш playoff-д шалгарах эрхийн төлөөх шийдвэрлэх тоглолтоо хийнэ.
Дараагийн тоглолт The MongolZ-ийн хувьд бүхнийг шийдэх тулаан байх бөгөөд ялалт байгуулбал плей-оффт шалгарна, харин хожигдвол тэмцээнээ өндөрлүүлэх эрсдэлтэй.
The MongolZ багийн ивээн тэтгэгчээр 1xBet ажилладаг. Олон улсын CS2-ын тавцанд Монголын гол төлөөлөл болсон тус баг “PGL Astana 2026”-д дахин нэг чухал шалгуурын өмнө ирээд байна.
Falcons-ийн эсрэг тоглолт амжилттай өндөрлөөгүй ч The MongolZ-д плей-оффт шалгарах боломж хэвээр үлдсэн. Маргаашийн тоглолт багийн тэмцээн дэх цаашдын замналыг бүрэн тодорхойлох юм.
