7.1 C
Ulaanbaatar
Баасан, 8 сар 29, 2025

Т.Түмэнжаргал Универсиад-2025 наадмаас Монголын анхны хүрэл медалийг авчирлаа

- Advertisement -spot_imgspot_img
- Advertisement -spot_imgspot_img

УЛААНБААТАР. 2025 оны долоодугаар сарын 24. Германы Райн Рур хотноо болж буй дэлхийн оюутны спортын зуны XXXII “Универсиад-2025” наадмын хүрээнд Монголын жүдоч Т.Түмэнжаргал эрэгтэйчүүдийн 60 кг-ын жинд амжилттай барилдан хүрэл медаль хүртлээ.

“Мон-Алтиус Цагаанбаатар” академийн төлөөлөгч тэрбээр Монголын багийн хувьд медалийн салхийг хагалж, тус наадмаас анхны медалийг эх орондоо авчирсан нь бахдам амжилт боллоо.

Түүний тэмцээний замнал дараах байдалтай өрнөв:

  • Эхний тойрогт гоц мөргөсөн.
  • Хоёрдугаар тойрогт Энэтхэгийн жүдоч Лакайг цэвэр ялсан.
  • Дараа нь хэсгийн аваргын төлөө Узбекистаны Иброхимовыг вазаригаар буулгаж авсан.
  • Харамсалтай нь, хагас шигшээд Испанийн Баррозо Лопест вазаригаар ялагдсан.
  • Харин хүрэл медалийн төлөө Унгарын Нажиг цэвэр ялснаар медалийн тавцанд зогссон юм.

Т.Түмэнжаргалын энэхүү амжилт нь Монголын багийн хувьд “Универсиад-2025” наадмын анхны медаль болоод байна.

Тэмцээний нийт дүнгийн тухайд:

  • 45 орны баг тамирчид медалийн жагсаалтад багтаад байна.
  • АНУ 28 алт, 20 мөнгө, 24 хүрэл медальтайгаар тэргүүлж байна.
  • Хятад, БНСУ, Япон, Итали улсууд дараагийн байруудад эрэмбэлэгдэж байгаа бол
  • Монгол Улс 1 хүрэл медальтайгаар 39 дүгээр байрт бичигдэж байна.

Жүдо болон бусад төрлүүдээр үргэлжилж буй “Универсиад-2025” тэмцээн энэ сарын 27-нд албан ёсоор өндөрлөх юм.

- Advertisement -spot_imgspot_img
Сүүлийн мэдээ
- Advertisement -spot_img
Холбоотой мэдээ
- Advertisement -spot_img

Хариулт өгөх

Please enter your comment!
Please enter your name here