Дэлхийн хамгийн олон үзэгчтэй спортын нэг болох волейболын ДАШТ тун удахгүй эхлэх гэж байна. Ердөө гуравхан хоногийн дараа, 2025 оны Волейболын Дэлхийн аварга шалгаруулах тэмцээний хөшиг нээгдэх бөгөөд энэхүү тэмцээнийг Монголын үзэгчдэд албан ёсны эрхтэйгээр “N Sports” шууд дамжуулан хүргэхээр болжээ.
Эмэгтэйчүүдийн тэмцээн наймдугаар сарын 22-ноос есдүгээр сарын 7-ныг хүртэл Тайландын Бангкок, Чианг Май, Пхукет, Накхон Ратчасима хотуудад зохион байгуулагдана. Харин эрэгтэйчүүдийн тоглолтууд есдүгээр сарын 12-28-ны хооронд Филиппиний Пасай, Кесон, Манила хотуудад болох юм.
Ингэснээр дэлхийн шилдэг багуудын хурц өрсөлдөөн, сэтгэл хөдөлгөм тоглолтыг Монголын үзэгчид эх орноосоо шууд үзэх боломжтой боллоо.
