2025 оны наймдугаар сарын 29. НАТО-гийн бүх гишүүн орнууд энэ жил ДНБ-ийхээ 2%-ийг батлан хамгаалах салбарт зарцуулах зорилтдоо хүрсэн талаар эвсэл пүрэв гарагт мэдэгдлээ.
11 жилийн дараах зорилт биелэв
- НАТО-гийн гишүүдийн батлан хамгаалах салбарын нийлмэл зардал 2025 онд 1.5 их наяд ам.долларт хүрчээ.
- Анх 2014 онд дэвшүүлж байсан зорилтод ийнхүү 11 жилийн дараа хүрсэн байна.
- Гэвч энэ нь зөвхөн эхний алхам бөгөөд цаашдын төсөв, зарцуулалтын дараагийн сорилт НАТО-гийн өмнө тулгараад байна.
Шинэ зорилго – ДНБ-ий 5%
- Энэ оны 6-р сард болсон уулзалтаар НАТО-гийн 32 гишүүн улс батлан хамгаалахын зардлаа ойрын 10 жилд хоёр дахин нэмэгдүүлэхээр тохиролцсон.
- АНУ-ын ерөнхийлөгч Дональд Трампын шаардлагаар бүх гишүүн улс ДНБ-ийхээ 5%-ийг батлан хамгаалалтад зарцуулах үүрэг хүлээсэн.
- Үүнээс 3.5% нь үндсэн батлан хамгаалахад
- 1.5% нь дэд бүтэц (гүүр, зам) болон кибер аюулгүй байдлын салбарт зориулагдана.
Европын сорилт ба Оросын эрсдэл
- Шинэ зорилтыг хэрэгжүүлэх нь зарим орны хувьд хүнд даалгавар боловч Оростой хил залгаа улсууд болох Польш, Эстони, Латви, Литва илүү хурдан биелүүлэх боломжтой гэж үзэж байна.
- Польш улс энэ жил батлан хамгаалах зардалдаа ДНБ-ий 4.48%-ийг зарцуулснаар НАТО-гийн гишүүн орнуудыг тэргүүлжээ.
- Барууны тагнуулын байгууллагуудын тооцоогоор, Украины дайн зогссоны дараа ойрын 3–5 жилийн дотор Орос НАТО-гийн орнууд руу түрэмгийлж болзошгүй тул Европын орнуудад аюулгүй байдлаа бэхжүүлэх шаардлага өндөр байна.
- АНУ-ын хувьд Европын аюулгүй байдлын хариуцлагыг голлон Европын улсууд хүлээх ёстой гэж үзэж, Пентагон стратегийн анхаарлаа Хятад руу чиглүүлж эхэлжээ.
