Тээврийн прокурорын газраас гаргасан мэдээллээр 2025 оны арваннэгдүгээр сарын 1-ний байдлаар Улаанбаатар хотод нийт 552 зам тээврийн осол бүртгэгдэж, түүний улмаас 606 хүүхэд өртсөн байна.
Хамгийн олон осол давтагдсан дүүргүүд
Судалгаанаас харахад дараах дүүргүүдэд хүүхэд зам тээврийн осолд хамгийн ихээр өртжээ:
- Баянзүрх дүүрэг — 148 хүүхэд
- Хан-Уул дүүрэг — 126 хүүхэд
- Сонгинохайрхан дүүрэг — 102 хүүхэд
- Сүхбаатар дүүрэг — 92 хүүхэд
- Баянгол дүүрэг — 88 хүүхэд
- Чингэлтэй дүүрэг — 50 хүүхэд
Хүүхдүүд ямар нөхцөлд осолд өртсөн бэ
Ослын нөхцөл байдлыг ангилбал:
- 376 хүүхэд явган зорчигч хэлбэрээр
- 98 хүүхэд тээврийн хэрэгслээр зорчиж явах үедээ
- 132 хүүхэд унадаг дугуй болон цахилгаан дугуйтайгаар замын хөдөлгөөнд оролцож байхдаа осолд орсон байна.
Мөрдөн шалгалтын явц
Хүүхэд хохирсон нийт хэргүүдээс:
- 140 хэрэгт Эрүүгийн хуулийн дагуу мөрдөн шалгах ажиллагаа явуулсан
- 71 хэргийг шүүхээр шийдвэрлүүлж, буруутай этгээдэд ял оногдуулсан гэж мэдээлжээ.
Анхааруулга, зөвлөмж
Тээврийн прокурорын газраас дараах зөвлөмжийг иргэдэд хүргэж байна:
- 10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх
- Жолооч нар тээврийн хэрэгслийн техникийн бүрэн бүтэн байдлыг хангах
- Замын нөхцөл байдал хүндрэх үед хурдаа тохируулан, анхаарал болгоомжтой жолоодох
- Замын хөдөлгөөний аюулгүй байдлыг бүх түвшинд сайтар мөрдөх
Хальтиргаа, гулгаа ихэсч буй энэ үед ослын тоо нэмэгдэх эрсдэл өндөр байгааг мэргэжилтнүүд онцолж байна.
Машин барьж байгаа хүмүүс илүү болгоомжтой байх хэрэгтэй юм байна
Энэ тоо үнэхээр аймшигтай, хүүхдүүдээ хамгаалах арга хэмжээ чангарах хэрэгтэй