Шанхайд тогтоосон шинэ дээд амжилт
ШАНХАЙ, 2025 оны арваннэгдүгээр сарын 22 /Chinadaily/. Хятадын зүүн хэсгийн хоёр хотын хооронд туршилтын горимоор алхан зам туулсан хүн дүрст робот 106 км гаруй зайг давж, Гиннесийн дэвтэрт бүртгэгдэх шинэ дээд амжилтыг тогтоосон байна.
А2 роботын урт аялал
Шанхай хотод төвтэй Agobot компанийн хөгжүүлсэн А2 загварын андроид робот энэ сарын 11 дүгээр сарын 10-ны орой Сүжоү хотоос хөдөлж, 13-ны өглөө Шанхайн алдарт Бундын эрэгт хүрч очжээ.
Цэнэг хураагуурыг хурдан солих боломжтой тусгай системээр тоноглосон учир А2 робот аяллын турш тасралтгүй ажиллагаатай байсан бөгөөд нийтдээ 106 км 286 метрийн зайг туулсан гэж тэмдэглэжээ.
Компанийн тайлбар ба технологийн ач холбогдол
“Сүжоугоос Шанхай хүртэл алхана гэдэг бол хэр баргийн хүний чадах зүйл биш, харин робот ийм урт замыг туулж чадлаа. Энэ нь роботын аппаратын хэсэг, тэнцвэржилтийн ба тэсвэржилтийн алгоритмууд боловсронгуй болсныг харуулж байгаа бөгөөд цаашдаа арилжааны зорилгоор өргөн хүрээнд ашиглах боломжийг нээж байна гэж Agibot компанийн дэд захирал Ван Чуане ярилаа.
Мэдрэгч, навигацийн шийдлүүд
Давхар GPS модуль болон хэт улаан туяаны мэдрэгч бүхий А2 робот нь туршилтын явцад гэрлэн дохио, нарийн гарц, хөл гишгэх зай тун бага явган хүний зам зэрэг төвөгтэй орчныг өдрийн болон шөнийн нөхцөлд ялгалгүй гярхай таньж ажилласан байна.
Мөн асфальтан зам, шоо хавтан бүхий явган хүний зам, гүүр, налуу хэсэг, тэмтрэгддэг хавтангаар бүрсэн замаар явахдаа замын хөдөлгөөний дүрмийг чанд баримталж, урсгалд саад учруулахгүйгээр зорчилтоо үргэлжлүүлжээ.
Өмнөх туршилт ба өмнөх амжилт
Энэ оны дөрөвдүгээр сард Бээжин хотын Хүн дүрст роботын инновацийн төвд бүтээсэн Тиен Кун Ультра нэртэй робот 21 км урт хагас марафоны замыг 2 цаг 40 минутын хугацаанд гүйж туулсан нь тухайн үедээ онцгой анхаарал татаж байсан билээ.
