Азийн холимог тулааны хамгийн нэр хүндтэй холбоодын нэг болох “ONE Championship” дэх ээлжит том тулаанд Монголын холимог тулаанч Б.Энх-Оргил аваргын бүсийн төлөө хүч сорих гэж байна. Тэрбээр маргааш Тайландын Бангкок хотноо Бразилын шилдэг тулаанч Фабрико Андрадетэй нүүр тулан тулалдана.
“One Fight Night 38”-ын оргил тулаанд монгол тулаанч гарна
Bantamweight буюу 65.8 кг-ын жинд 2023 оноос хойш аваргын бүсээ хамгаалсаар байгаа, “Wonder Boy” хочит Ф.Андраде энэ удаад чансааны дөрөвт эрэмбэлэгдэж буй Монголын төлөөлөл Б.Энх-Оргилтой тулна.
Энэхүү тулаан нь “One Fight Night 38” арга хэмжээний оргил, гол тулаанаар зарлагдсан бөгөөд ялагч нь тус жингийн аваргын бүсийг эзэмшинэ.
Хэрэв Б.Энх-Оргил Бразил өрсөлдөгчөө ялбал “ONE Championship” холбооны аваргын бүсийг зүүсэн Монголын хоёр дахь тулаанч болж, спортын түүхэнд дахин нэг түүхэн хуудас нээх юм.
