2025 оны 12 дугаар сарын 29-нд Хятад улс Тайванийн хилийг тойруулан цэргийн хүч байршуулснаа мэдээлж, үүнийг “Хоёр өөр улсын хүчийг ойлгуулах анхааруулга” гэж тодорхойлжээ.
Тайванийг бүслэх хэлбэрээр хүч байршуулсан гэж мэдэгдэв
Хятадын армийн мэдээлснээр Тайванийн эргэн тойронд явган болон усан цэргийн хүчин, агаарын цэргийн хүч, мөн пуужингийн нэгжүүдийг байршуулсан байна. Энэ нь Тайванийг чиглэсэн цэргийн дарамт нэмэгдсэн дохио хэмээн тайлбарлагдаж байна.
АНУ-ын зэвсгийн хэлэлцээрийн дараахан болсон үйл явдал
Тайваньд АНУ 11 тэрбум ам.долларын үнэ бүхий зэвсэг худалдахаар болсноо зарласнаас хэдхэн хоногийн дараа дээрх байршуулалт болсон гэж мэдээлэв. Хятад улс Тайваньд зэвсэг нийлүүлэхийг эрс эсэргүүцэж, хариуд нь АНУ-ын зэвсгийн фирмүүдэд хориг тавьсан байна.
Тайвань хамгаалалтаа бэхжүүлэх шийдвэр гаргасан нь мөн нөлөөлөв
Мөн Тайвань энэ жил батлан хамгаалах салбартаа хөрөнгө оруулалтаа нэмэгдүүлж, хамгаалалтаа сайжруулах чиглэл баримталж буй нь Хятадын эрх баригчдыг улам эсэргүүцэлтэй хандахад хүргэсэн гэжээ. Хятад улс Тайванийг өөрийн газар нутаг гэж үздэг бөгөөд шаардлагатай тохиолдолд хүчээр нэгтгэнэ гэсэн байр сууриа өмнө нь удаа дараа илэрхийлж байсан.
Эрсдэлийн тухай таамаг дахин хүчтэй яригдав
Мэдээлэлд Орос-Украины дайн намжих төлөв ажиглагдаж буй энэ үед он гараад Хятад–Тайванийн асуудал хурцдаж, зэвсэгт мөргөлдөөн эхэлж болзошгүй гэсэн болгоомжлол нэмэгдэж байгааг дурджээ.
