Дорнод аймгийн Гурванзагал сумын нутаг, Рашаат багийн “Цагаан хонхор” гэх газарт автомашинтай иргэд малдаа яваад сураггүй болсон тухай дуудлага хоёрдугаар сарын 25-ны 01:30 цагт Онцгой байдлын байгууллагад бүртгэгджээ. Анхны мэдээллээр тухайн иргэдийг хоёрдугаар сарын 24-ний 17:30 цагт холбоо тасарсан гэж үзсэн байна.
Дуудлагын дагуу тус сумын мэргэжлийн ангийнхан эрэн хайх ажиллагааг зохион байгуулж, хоёрдугаар сарын 25-ны 12:50 цагт сураггүй болсон иргэдийг эсэн мэнд олжээ. Тодруулбал, “Land Cruiser Prado-150” загварын автомашинтай Х /34 настай, эрэгтэй/, М /32 настай, эмэгтэй/ болон “Land Cruiser-200” загварын суудлын автомашинтай Х /37 настай, эрэгтэй/, А /3 настай, эрэгтэй/ нарыг Рашаат багийн “Хоргой” гэдэг газар малаа хоргоож байхад нь олсон байна.
