Баярын парадын үеэр 134 хүн гэмтсэн хэрэг шүүхээр шийдвэрлэгдэв
Английн Ливерпүүл хотод өнгөрсөн 5-р сард Ливерпүүл багийн баярын парад болсон үеэр фэнүүд рүү автомашинаар дайрч, нийт 134 хүнийг гэмтээсэн хэрэг гарсан. Тус хэрэгт холбогдсон этгээдэд 21.5 жилийн хорих ял оноосон байна.
Прокурор: “Уураа барьж чадаагүй” гэх шалтгаанаар үйлдсэн гэж үзжээ
Шүүхийн материалд дурдсанаар, 54 настай Пол Дойл уг үйлдлээ хийхдээ ердөө л “Уураа барьж чадаагүй” гэсэн тайлбар өгсөн тухай прокурор мэдээлсэн байна. Түүнийг бусдын биед санаатайгаар хохирол учруулсан болон нэмэлт 30 төрлийн хэрэгт буруутган, 21.5 жил хорих ялаар шийтгэжээ.
Шүүгчийн байр суурь: ийм үйлдэл “эрүүл хүний санаанд” багтахгүй
Шүүх хурал дээр шүүгч Эндрю Менари “Уураа барьж чадалгүй хүнийг санаатайгаар машинаар дайрна гэдэг бол эрүүл хүний санаанд багтамгүй аймшигт үйлдэл” гэж мэдэгдсэн байна.
