BLAST.tv Остин Мажорт дэлхийн шилдгүүдтэй өрсөлдөж, финалын тавцанд Vitality багийн араас хоёрдугаар байрт шалгарсан The MongolZ баг эх орондоо ёслол төгөлдөр буцаж ирлээ. Улаанбаатар хотын Степпе Арена цэнгэлдэхэд тэднийг угтан авах “Homecoming” арга хэмжээ зохион байгуулагдсан бөгөөд арга хэмжээний үеэр Академийн шинэ бүрэлдэхүүнийг албан ёсоор зарлаж Монголын цахим спортын түүхэнд шинэ хуудсыг нээв.
Арга хэмжээний онцлох мөчүүд:
- 3000 фен нэг дор: The MongolZ багийг хүндэтгэн зохион байгуулсан энэхүү эвентэд 3000 гаруй шүтэн бишрэгч хүрэлцэн ирж, тэдний амжилтыг хамтдаа тэмдэглэн өнгөрүүлэв.
- Тоглогчидтой уулзах алтан боломж: Арга хэмжээний үеэр багийн гишүүд болон академийн шинэ залуус фенүүдтэй уулзаж, амьд хөгжмийн тоглолт, ярилцлага, гарын үсэг зурах үйл ажиллагаа, үзүүлэн тоглолт зохион байгуулагдлаа.
- Шинэ үеийн танилцуулга: The MongolZ анх удаа Академийн бүрэлдэхүүнээ олон нийтэд танилцуулсан нь мэргэжлийн түвшний дараагийн үеийг бэлтгэх томоохон алхам боллоо.
The MongolZ Академийн бүрэлдэхүүн:
- Санчирбилэгийн Өлзийбадрах “CXIX”– 17 настай, багийн ахлагч
- Мөнхбаярын Мөнхтамир “ghetto”
- Чимэдцэрэнгийн Золбаяр “Tikuak – 16 настай
- Ганхуягийн Ирмүүн “IruX”
- Цогтбаярын Итгэл “HAKAIII8” – 15 настай
- Дасгалжуулагч: Долгорын Уламбаяр (тоглогчдын дунд “rifle” нэрээрээ танигдсан, “винтов” хочит).
CS-ийн ирээдүй Монголд ба түүнээс цааш:
The MongolZ багийн амжилт, мөн Chinggis Warriors багийн Остин Мажорт шалгарсан явдал Монголын Counter-Strike сонирхогчдын тоог огцом өсгөж, олон улсын тавцанд ч Монголыг анхаарлын төвд авчирсан. Академийн бүрэлдэхүүн энэ амжилтыг улам бататгах, шинэ амжилтуудын үндэс суурь болохоор зорьж байна.
Цахим спортын хөгжилд хүчтэй хувь нэмэр оруулж буй 1xBet Монгол нь The MongolZ багийн албан ёсны ивээн тэтгэгчээр хамтран ажиллаж байна. Энэхүү түншлэл нь багийг мэргэжлийн бэлтгэл сургуулилт хийгээд дотоодын болон олон улсын тэмцээнд амжилттай оролцоход чухал дэмжлэг үзүүлдэг билээ. Мөн Академийн залуу тоглогчдод зориулсан хөтөлбөрүүдийг тогтвортой хэрэгжүүлэх суурийг бүрдүүлж, Монголын цахим спортын ирээдүйг гэрэлтүүлж байна.
