“Улаанбаатар цахилгаан түгээх сүлжээ” ТӨХК-иас өнөөдөр, 2025 оны есдүгээр сарын 18-нд цахилгаан шугам сүлжээнд хийх засварын хуваарийг олон нийтэд танилцууллаа. Засварын ажлын хүрээнд нийслэлийн Хан-Уул, Сүхбаатар, Баянгол, Сонгинохайрхан, Чингэлтэй, Налайх дүүрэг болон Төв аймгийн Батсүмбэр суманд 9:00-19:00 цагийн хооронд цахилгаан хязгаарлалт хийхээр болжээ.
Иргэд, аж ахуйн нэгжүүдийг засварын хугацаанд цахилгааны хэрэглээгээ зохицуулж, урьдчилан төлөвлөхийг холбогдох байгууллагаас сануулж байна. Мөн цаг агаарын нөхцөл байдлаас шалтгаалан засварын хуваарьт өөрчлөлт орох магадлалтай бөгөөд ийм тохиолдолд хэрэглэгчдийн гэрээт бүртгэлтэй утасны дугаарт мэдэгдэл хүргэхийг мэдэгдэв.
