17 дахь удаагийн “Улаанбаатар” олон улсын кино наадам өчигдөр өндөрлөлөө. Энэ үеэр “Хангарди” шагнал гардуулах ёслол болж, “Татар” хамтлагийн бодит түүхээс сэдэвлэн бүтээсэн “Татар” уран сайхны кино нийт 7 номинацад нэр дэвшин, хоёр төрөлд ялалт байгууллаа.
Киноны зураглаач Г.Гүенбаатар “Шилдэг зураглаач”-аар, зураач Н.Болор-Эрдэнэ “Шилдэг зураач”-аар тус тус шалгарсан байна.
“Татар” уран сайхны киног “Татар” хамтлаг, “Аранжин” пикчерс, “Promix sound”, “Red Point Media”, “SO Media” зэрэг продакшн студиуд хамтран бүтээжээ.
Одоогоор уг бүтээл Монголын бүх кино театруудад гарч байна.
