2025 оны 10 дугаар сарын 20-ны өглөө, Туркийн “ACT Airlines” компанийн карго тээврийн онгоц Хонгконгийн олон улсын нисэх онгоцны буудалд газардах үеэр осол гарч, хоёр хүн амиа алджээ.
Осол хэрхэн болсон бэ?
Дубайгаас хөөрсөн тус онгоц 03:50 цагийн орчимд газардахдаа хөөрөх зурвасыг хэтрэн, далай руу гулсан байна. Гулсах үед онгоц нисэх буудлын аюулгүй байдлын эргүүлийн машинтай мөргөлдөж, машиныг далай руу түлхэн оруулсан гэж эх сурвалжууд мэдээлжээ.
- Эргүүлийн машин дотор байсан хоёр ажилтан газар дээрээ амиа алдсан.
- Харин онгоцны бүхээгийн дөрвөн гишүүн гэмтэж, орон нутгийн эмнэлэгт хүргэгдэн эмчлүүлж байна.
Аврах ажиллагаа ба нисэх буудлын арга хэмжээ
Осол гарснаас хойш нисэх буудлын хойд хэсгийн хөөрөх зурвасыг түр хугацаанд хааж, онгоцыг далайгаас татан гаргах ажиллагаа эхэлжээ.
Тус ажиллагаанд гал сөнөөгчид, эргийн хамгаалалт, усан онгоцны багууд зэрэг нийт 200 гаруй хүн оролцсон байна.
Ховор тохиолддог осол
Хонгконгийн олон улсын нисэх онгоцны буудал нь дэлхийн хамгийн ачаалалтай агаарын боомтуудын нэг бөгөөд хүний амь хохирсон осол маш ховор гардаг.
Сүүлд ийм төрлийн осол 1999 онд гарч байсан бөгөөд тухайн үед “China Airlines”-ын онгоц хар салхины үеэр газардахдаа осолдож, хоёр хүн нас барсан тохиолдол бүртгэгдэж байжээ.
Аймшигтай осол байна, нас барсан хүмүүсийн ар гэрт эмгэнэл илэрхийлье