Холливуд дахь оройн зоогийн дараа гарсан маргаан
Дуучин Жастин Бибер эхнэр Хэйли Биберийн хамт өнгөрсөн баасан гарагт Холливудад нэртэй сүшиний ресторанд оройн хоол идсэн байна. Тэднийг ресторанаас гарч ирэхэд гадна нь хүлээж байсан папарациуд зураг авч эхэлжээ. Энэ нөхцөл байдал Жастиныг уурлуулж, тэрээр бухимдлаа илэрхийлэн гартаа барьж явсан усны саваа зурагчдын зүг шидсэн байна.
Өмнө нь ч ижил нөхцөл үүсч байсан
Жастин Бибер папарацитай холбоотойгоор дургүйцлээ илэрхийлж байсан тохиолдол үүгээр дуусахгүй. Өнгөрсөн зургаадугаар сард тэрээр Калифорни мужийн Малибу хот дахь Soho House-оос гарч явахдаа гэрэл зурагчидтай маргалдаж, өөрийг нь тайван орхихыг шаардсан талаар мэдээлэгдэж байв.
Харин албан бус хүрээнд Хэйли Бибер папарациудад мөнгө төлж, өөрсдийнх нь байгаа газрыг дуудуулдаг гэх яриа гарсаар ирсэн. Гэхдээ энэ цуурхлыг баталсан эх сурвалж одоогоор байхгүй бөгөөд хосын зүгээс папарациуд байнга ойр хавьд нь эргэлдэх нь хувийн орон зайд нь хэт халдаж байгаа мэт мэдрэмж төрүүлдэг талаар дурдсан тохиолдлууд бий.
Одоогоор Жастин Бибер болон Хэйли Бибер нар дээрх үйл явдал, маргааны талаар олон нийтэд зориулсан албан ёсны тайлбар хийгээгүй байна.
