Уганда улсын Kidepo Valley National Park цэцэрлэгт хүрээлэнд 40 гаруй жилийн дараа хирсийг дахин нутагшуулсан нь байгаль хамгааллын салбарт чухал үйл явдал боллоо. 2026 оны гуравдугаар сарын 17-нд өмнөдийн цагаан хирсний хоёр бодгаль шилжүүлэн авчирсан бөгөөд цаашид нийт найман хирс нутагшуулахаар төлөвлөж байна.
Тус улсад хамгийн сүүлд 1983 онд хирс хулгайн анчдын улмаас устаж, тухайн үед нийт 700 орчим бодгаль байжээ. Үүнээс хойш олон арван жилийн турш хирс байгалийн орчинд бүрэн устсан байсан юм.
Угандагийн Зэрлэг байгалийг хамгаалах байгууллагын захирал Жеймс Мусингузи “Энэ бол хирсний шинэ түүхийн эхлэл” гэж мэдэгдсэн байна.
Хирснүүдийг нийслэл Кампалагаас 100 км зайд орших Хакасонгола дахь хувийн аж ахуйгаас шилжүүлэн авчирсан бөгөөд одоогоор хамгаалалтын бүс, хашаа, хяналтын системийг бүрдүүлж, хулгайн антай тэмцэх ажиллагааг идэвхтэй үргэлжлүүлж байгаа аж.
International Union for Conservation of Nature байгууллагын ангиллаар өмнөд цагаан хирс нь “устах аюулд орсон” төрөлд багтдаг бөгөөд дэлхий даяар 10 мянга гаруй бодгаль үлдсэн байна.
