PARIVISION-ийг давсан Монголын багийн дараагийн саад нь FUT Esports боллоо
“PGL Bucharest 2026” тэмцээн хамгийн ширүүн хэсэгтээ орж, аваргын төлөө үлдсэн багуудын нэрс тодорлоо. Энэ шатанд Монголын “The MongolZ” баг өөрсдийн хүчийг дахин харуулж, “PARIVISION”-ийг 2:1-ээр буулган авснаар хагас шигшээд шалгарсан байна.
Энэ ялалт зүгээр нэг дараагийн шатанд гарсан хэрэг биш байв. Гурван map үргэлжилсэн тоглолтод “The MongolZ” дарамтыг давж, чухал мөчүүдэд илүү тогтвортой байж чадсанаар тэмцээнээ үргэлжлүүлэх эрхээ авч үлдлээ. Ингэснээр Монголын баг аваргын төлөөх өрсөлдөөнөөс мултраагүй төдийгүй медалийн бүсэд баттай орж ирэв.
Одоо тэднийг финал руу ойртуулах эсвэл зогсоох баг нь FUT Esports
Нөгөө талд “FUT Esports” баг “B8”-ыг 2:0-ээр илт давуу хожиж, хагас шигшээд “The MongolZ”-ийн дараагийн өрсөлдөгчөөр тодорлоо. Тиймээс одоо бүх анхаарал Монголын баг болон FUT Esports-ийн хооронд болох тулаанд төвлөрч байна.
Энэ тоглолт дөрөвдүгээр сарын 11-ний шөнийн 01:00 цагаас эхлэх бөгөөд ялсан баг нь финалд шалгарах юм. Өөрөөр хэлбэл, энэ бол зүгээр нэг хагас шигшээ биш, харин аваргын төлөөх гол хаалганы өмнөх хамгийн чухал сорил болж байна.
Нөгөө талд Astralis, 3DMAX финалын эрхийн төлөө тулах болно
Тэмцээний нөгөө хагас шигшээ талд Astralis болон 3DMAX багууд хоорондоо тоглохоор үлдээд байна. Ингэснээр шөвгийн дөрвөн баг бүрдэж, PGL Bucharest 2026 тэмцээн яг одоо хамгийн шийдвэрлэх цэгтээ ирээд байна.
Шагналын төлөөх өрсөлдөөн ч улам өндөрсөж байна
Тэмцээний шагналын сангийн хуваарилалт мөн багуудын тулааны үнэ цэнийг улам өсгөж байна.
- Аварга баг — 200,000 ам.доллар
- Дэд байр — 93,750 ам.доллар
- Гутгаар байр — 75,000 ам.доллар
- Дөрөвдүгээр байр — 43,750 ам.доллар
Олон улсын тавцанд нэрээ улам бататгаж буй “The MongolZ” багийг 1xBet дэмжин ажиллаж байгаа бөгөөд тэд энэ удаагийн тэмцээнд ч дараалан хүчтэй өрсөлдөгчдийг давсаар хагас шигшээд хүрээд байна.
Одоо асуулт нэг л үлдлээ. Монголын баг FUT Esports-ийг давж, аваргын төлөөх сүүлчийн тайз руу гарч чадах уу. Хариулт тун удахгүй тодорхой болно.
