Хар тамхитай тэмцэх газар НҮБ-ын 1971 оны конвенцын II жагсаалтад багтсан мансууруулах болон сэтгэцэд нөлөөт бодисын хууль бус хэрэглээтэй холбоотой гурван хэргийг шалгаж дуусан, прокурорт шилжүүлжээ.
Хэргийн талаар:
- Ч.Х, Б.М нарын хэрэг: Иргэн Ч.Х болон Б.М нар “өвс” гэх нэршилтэй мансууруулах бодисыг хууль бусаар олж аван, тээврийн хэрэгсэлд хадгалсан хэргээр баригджээ. Нийслэлийн Прокурорын газар уг хэрэгт Эрүүгийн хуулийн 20.7 дугаар зүйлийн 1-д зааснаар (Мансууруулах эм, сэтгэцэд нөлөөт бодисыг хууль бусаар ашиглах) яллах дүгнэлт үйлдэж, Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд шилжүүлсэн байна.
- М.Ж-ийн хэрэг: Иргэн М.Ж “өвс” гэх сэтгэцэд нөлөөт бодисыг хууль бусаар хадгалсан хэргээр баригджээ. Энэ хэрэгт мөн Эрүүгийн хуулийн 20.7 дугаар зүйлийн 1-д зааснаар яллах дүгнэлт үйлдэж, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд шилжүүлжээ.
Эдгээр хэргүүдэд мансууруулах бодисыг худалдах зорилгогүйгээр хадгалсан болохыг Хар тамхитай тэмцэх газар тогтоосон байна.
