Улаанбаатар, 2025 оны наймдугаар сарын 15 – Монголын төмөр замын салбарт түүхэн шинэчлэл хийгдэж, “Монголын төмөр зам” ТӨХК хосолсон хөдөлгүүртэй (“hybrid”) анхны зүтгүүрээ албан ёсоор хүлээн авлаа.
Энэ зүтгүүр нь анх ОХУ-д үйлдвэрлэгдсэн, ашиглалтын хугацаа нь 2014 онд дууссан тул хадгалж байсан 2ТЭ116-2001 загварын техник юм. БНХАУ-ын инженерүүд болон “Монголын төмөр зам” ТӨХК-ийн Зүтгүүрийн аж ахуйн хэлтсийн баг хамтран нэг жилийн турш иж бүрэн шинэчлэлт хийж, орчин үеийн хосолсон хөдөлгүүрийн систем суурилуулжээ.
Техникийн үзүүлэлт
- Хөдөлгүүрийн бүрэлдэхүүн:
- 440 кВт чадалтай 2 ширхэг батарей хөдөлгүүр
- 400 кВт чадалтай 2 ширхэг дизель хөдөлгүүр
- Нийт чадал: 1680 кВт
- Онцлог: Дизель хөдөлгүүрийг ашиглахгүйгээр зөвхөн батарейгаар бүрэн ажиллах боломжтой.
Давуу тал
- Түлшний зарцуулалтыг 60–70 хувиар бууруулна
- Хорт утаа ялгаруулдаггүй тул байгальд ээлтэй
- “ECO” ангиллын ногоон технологи
- Эдийн засгийн үр ашиг өндөр
“Монголын төмөр зам” ТӨХК-ийн мэдээлснээр, шинэ зүтгүүрийн ашиглалтаар утааг багасгах, түлшний хэмнэлттэй, орчин үеийн төмөр замын хөгжилд томоохон алхам хийх боломж бүрдэж байна.
