БНХАУ-ын Шэнжэн хотод зохион байгуулагдаж буй FIBA Women’s Asia Cup 2025 тэмцээнд Монгол Улсын эмэгтэйчүүдийн сагсан бөмбөгийн шигшээ баг амжилттай оролцож, B хэсгээс хоёрдугаар байраар шөвгийн наймд шалгарлаа.
Тайландын багтай хийсэн эхний тоглолтдоо 81:74-ийн харьцаатай ялалт байгуулсан бол дараагийн тоглолтод Ираны багт ялагдсан. Гэсэн ч хэсгийн сүүлийн тоглолтод Күүкийн арлуудын багийг 82:55-аар илүүрхэн хожиж, дараагийн шатанд шалгарах эрхээ авсан юм.
Тоглогчдын онцлох үзүүлэлтүүд:
- Шинэхэн гавьяат тамирчин Б.Ариунцэцэг — 25 оноо, 10 самбар
- Гавьяат тамирчин О.Хулан — 18 оноо, 3 самбар
- Гавьяат тамирчин Н.Нандинхүсэл — 16 оноо, 6 оновчтой дамжуулалт
- Б.Болор-Эрдэнэ — 10 оноо, 7 самбар
Манай шигшээ баг маргааш буюу долдугаар сарын 18-нд Казахстаны шигшээ багтай шөвгийн наймд тоглоно. Энэ тоглолтын ялагч хагас шигшээд Тайванийн багтай хүч үзэх юм.
