Энэ жилийн холимог тулааны “Road to UFC” шоунд Монгол Улсаас хоёр тамирчин оролцохоор болж, олон улсын тайзнаа ур чадвараа сорихоор байна.
57 кг-ын жинд “Шандас ММА”-гийн тамирчин, “GLADIATOR” болон “MGL-1” холбооны аварга Б.Отгонбаатар тавдугаар сарын 28-нд эхний шатны тулаанаа хийх юм. Тэрээр Японы тамирчин Такаяа Сүзүкитэй тулалдана.
66 кг-ын жинд “Шандас ММА”-гийн тамирчин, “MGL-1”-ийн аварга Ч.Дагийнсүрэн тавдугаар сарын 29-нд эхний тойрогт Хятадын тамирчин Regezhen-тэй өрсөлдөхөөр болжээ.
Монголын тамирчдын тулааны хуваарь
- 57 кг: Б.Отгонбаатар — Такаяа Сүзүки
- 66 кг: Ч.Дагийнсүрэн — Regezhen
Эхний шатны тулаанууд тавдугаар сарын 28, 29-нд Макаод зохион байгуулагдана. Мөн тавдугаар сарын 29-ний өдрийн эвентийн дэд оргил тулаанд Б.Намсрай UFC-тэй гэрээ байгуулах эрхийн төлөө Хятадын тамирчин Yin Shuai-тай хүч үзэхээр байна.
UFC-ийн эрхийн төлөөх чухал тулаан давхар болно
Ингэснээр Монголын тамирчид энэ удаагийн “Road to UFC” шоунд зөвхөн оролцоод зогсохгүй, дэлхийн хамгийн нэр хүндтэй холбооны нэгтэй гэрээ байгуулах боломжийн төлөө өрсөлдөх чухал мөчтэй тулж байна.
