Дэд байрт шалгарсан амжилтыг МҮОХ дээд шагналаар үнэллээ
Дэлхийн томоохон стриминг платформ Netflix-ээс зохион байгуулсан “Physical: Asia” шоунд Монголын баг Азийн долоон улсын шигшээ тамирчидтай хүч чадал, тэсвэр хатуужлаа сорин өрсөлдөж, дэд байрт шалгарсан. Энэ амжилтыг нь үнэлж Монголын үндэсний олимпын хороо (МҮОХ) тус багийг өөрийн хамгийн нэр хүндтэй шагнал болох “Алтан од” одонгоор шагналаа.
Шагналыг МҮОХ-ны тэргүүнүүд гардуулж, олон улсын тавцанд Монголыг таниулсныг онцлов
“Алтан од” одонг ОУОХ-ны гишүүн, МҮОХ-ны ерөнхийлөгч Б.Баттүшиг, ерөнхий нарийн бичгийн дарга Э.Бадар-Ууган нар гардуулсан байна. Шагнал гардуулах ёслолын үеэр манай баг тамирчид “Physical: Asia” шоунд гаргасан амжилтаараа тэсвэр хатуужил, хамтын ажиллагааны өндөр түвшинг харуулж, олон улсын түвшинд Монгол Улсын спортын хөгжил, тамирчдын ур чадварыг тодорхой хэмжээнд таниулж чадсаныг онцлон дурджээ.
Мөн хүч тамир, бие бялдар, тэсвэр тэвчээр, багаар ажиллах чадварынхаа ачаар онцгой амжилт гаргаж, цаашид олон улсын спортын тавцанд илүү өндөр үр дүн үзүүлэх бүрэн боломжтой баг гэдгийг тэмдэглэсэн байна.
“Алтан од” одон гэж юу вэ
МҮОХ-ны “Алтан од” одон нь спорт, олимпизмийг хөгжүүлэхэд онцгой хувь нэмэр оруулсан, олимпын наадмаас медаль хүртсэн, эх орныхоо нэр хүндийг олон улсад бодитоор өргөлсөн тамирчин, баг, хувь хүмүүст олгодог дээд зэрэглэлийн хүндэт шагнал юм. “Physical: Asia”-д бахархам амжилт гаргасан монгол баг ийнхүү олимпын хөдөлгөөнд оруулсан хувь нэмрээрээ энэхүү одонг хүртэж, спортын түүхэнд өөрсдийн мөрөө үлдээлээ.
Манай залуус чадвартай гэдгийг дахин харууллаа
Ийм мэдээ унших сайхан байна шүү