Хичээлийн шинэ жилийн эхлэлтэй зэрэгцэн авто замын түгжрэлийг бууруулах зорилгоор нийслэлд автомашины улсын дугаарыг тэгш, сондгойгоор ангилан хөдөлгөөнд оролцуулах түр журам өнөөдрөөс хэрэгжиж эхэллээ. Энэ зохицуулалт есдүгээр сарын 16-ны өдрийг дуустал үргэлжилнэ.
- Сондгой дугаартай автомашинууд: наймдугаар сарын 27, 29, 31 болон есдүгээр сарын 3, 5, 7, 9, 11, 13, 15-нд замын хөдөлгөөнд оролцох эрхтэй.
- Тэгш дугаартай автомашинууд: наймдугаар сарын 28, 30 болон есдүгээр сарын 2, 4, 6, 8, 10, 12, 14, 16-нд хөдөлгөөнд оролцоно.
Энэ журам өглөөний 08:00 цагаас оройн 20:00 цаг хүртэл хүчин төгөлдөр мөрдөгдөх бөгөөд нийслэлийн төвийн зургаан дүүргийн нутаг дэвсгэрт бүсчлэл харгалзахгүй хэрэгжинэ.
Мөн есдүгээр сарын 1-ний өдөр хязгаарлалт үйлчлэхгүй, бүх автомашин чөлөөтэй зорчих боломжтой юм.
