Шаравжамцын Энхийн-Од NBA-гийн Хөгжлийн лигийн Osceola Magic багийн бүрэлдэхүүнд мэргэжлийн замналынхаа анхны тоглолтыг хийлээ. Түүний баг талбайдаа Oklahoma City Blue-г хүлээн авч, 97:89-ийн харьцаатай ялалт байгуулжээ.
Ш.Энхийн-Од таван үзүүлэлтээр багтаа хувь нэмэр оруулав
Ш.Энхийн-Од сэлгээнээс тоглолтод оролцож, төвийн тоглогчийн байрлалд үүрэг гүйцэтгэсэн байна. Тэрээр анхны тоглолтдоо дараах үзүүлэлтүүдийг бүртгүүлжээ:
- 5 оноо;
- 4 самбараас бөмбөг авалт;
- 2 оновчтой дамжуулалт;
- 2 бөмбөг таслалт;
- 1 хаалт.
Багийн оноо авалтыг холбогч JD Davison 26 оноогоор тэргүүлсэн бол хамгаалагч Malaki Branham 23 оноо нэмжээ.
23 бөмбөг таслалт багийн шинэ дээд амжилт болов
Osceola Magic энэ удаад хамгаалалтаараа онцгойрч, өрсөлдөгчөөсөө нийт 23 удаа бөмбөг тасалсан нь багийн түүхэн дэх дээд үзүүлэлт болсон байна. Тус багийн зургаан тоглогч тус бүр дор хаяж хоёр бөмбөг таслалт гүйцэтгэжээ.
Хамгаалалтын энэхүү тоглолт нь Oklahoma City Blue-г найман онооны зөрүүгээр буулган авахад чухал нөлөө үзүүлсэн байна.
Ахлах дасгалжуулагчид тоглолтын бөмбөгийг дурсгав
Тоглолтын дараа ахлах дасгалжуулагч Ronald Burrell-д мэргэжлийн замналынх нь анхны ялалтад баяр хүргэж, тухайн тоглолтын бөмбөгийг дурсгал болгон гардуулжээ.
Өдгөө 43 настай тэрээр өмнө нь NBA-гийн Brooklyn Nets болон Portland Trail Blazers багт туслах дасгалжуулагчаар ажиллаж байсан туршлагатай юм.
