Индонез улсын Жакарта хотод эхэлсэн Олон улсын сагсан бөмбөгийн холбооны эмэгтэйчүүдийн 3х3 төрлийн “Women Series” тэмцээнд Монголын “Улаанбаатар Амазонс” баг оролцож байна.
Тус багт дэлхийн аваргын мөнгөн медальт тамирчид болох:
- Монгол Улсын гавьяат тамирчин О.Хулан
- Б.Ариунцэцэг
- Н.Нандинхүсэл
- Б.Болор-Эрдэнэ
нар багтсан бөгөөд “С” хэсгийн эхний тоглолтоо 17:10 цагаас Тайландын багийн эсрэг хийнэ. Харин хоёр дахь тоглолт нь 19:00 цагаас Герман улсын “Bonn Baskets” багтай болох юм.
Тэмцээн өндөр өрсөлдөөнтэй өрнөж байгаа бөгөөд “Улаанбаатар Амазонс” багийн амжилтыг сагсан бөмбөг сонирхогчид тэсэн ядан хүлээж байна.
