Долоогийн даваанд тунаж заан цол хүртсэн бөхөд автомашин гардуулдаг уламжлалтай
Үндэсний их баяр наадмын долоогийн даваанд тунаж барилдан, улсын заан цол хүртсэн бөхөд “Заан Жимни” автомашин гардуулдаг уламжлал энэ жил үргэлжилнэ.
Энэ жилийн баяр наадмын барилдаанд долоогийн даваанд тунаж, улсын заан цол хүртсэн Хэнтий аймгийн Өмнөдэлгэр сумын харьяат Даваажавын Алтанцоожид уг автомашиныг гардуулахаар болжээ.
“Suzuki Jimny”-г ирэх сарын 17-нд гардуулна
“Бридж корпораци”-ийн зүгээс уламжлал болгон олгодог “Suzuki Jimny” автомашиныг улсын заан Д.Алтанцоожид ирэх наймдугаар сарын 17-нд албан ёсоор гардуулах юм байна.
Д.Алтанцоож энэ жилийн Үндэсний их баяр наадмын барилдаанд амжилттай барилдаж, долоогийн даваанд тунаж заан цолны болзол хангасан билээ.
“Заан Жимни”-гийн өмнөх эзэд
Өмнөх жилүүдэд наадмын дэвжээнд бяр чадал, уран мэхээ сорин барилдаж, “Заан Жимни” автомашины эзэн болсон бөхчүүд:
2020 онд Архангай аймгийн Цэнхэр сумын харьяат улсын гарьд М.Бадарч
2022 онд Завхан аймгийн Яруу сумын харьяат улсын заан М.Лхагвагэрэл
2023 онд Өвөрхангай аймгийн Төгрөг сумын харьяат улсын арслан Ц.Бямба-Отгон
2024 онд Сэлэнгэ аймгийн Цагааннуур сумын харьяат улсын арслан Б.Орхонбаяр
2025 онд Баянхонгор аймгийн Жинст сумын харьяат улсын арслан Э.Батмагнай нар тус тус уг автомашины эзэн болж байжээ.
Наадмын амжилтыг үнэлсэн хүндэтгэл
“Заан Жимни” нь зөвхөн шагнал бус, улсын баяр наадмын дэвжээнд өндөр амжилт гаргаж, заан цолны босго давсан бөхөд үзүүлдэг хүндэтгэлийн нэг хэлбэр болж тогтсон юм.
Ингэснээр улсын заан Д.Алтанцоожийн энэ жилийн наадмын амжилт дахин онцлогдон үнэлэгдэж байна.
