AutoFlight Prosperity 10 минут агаарт байв
Казахстаны нийслэл Астанагийн тэнгэрт AutoFlight Prosperity нэртэй нисгэгчгүй аэротаксины үзүүлэх нислэг анх удаа хийгдлээ. Туршилтыг Казахстаны Alatau Advance Air Group болон Хятадын AutoFlight компани хамтран зохион байгуулсан байна.
Аэротакси “Казанат” морин тойруулгын талбайгаас босоо чиглэлд хөөрч, мөн босоо буулт хийжээ. Нислэг нийт 10 минут үргэлжилсэн бөгөөд энэ хугацаанд төхөөрөмж хоёр тойрог хийж, 2.4 км зай туулсан байна.
Аюулгүй байдлын үүднээс нислэгийн үеэр бүхээгт хүн байгаагүй. Аэротакси урьдчилан өгөгдсөн маршрутын дагуу автоматаар удирдагджээ.
“Ирээдүйн тоглоом”-ын үеэр үзүүлнэ
AutoFlight Prosperity төхөөрөмжийг Казахстаны нийслэлд болох “Ирээдүйн тоглоом” арга хэмжээний үеэр үзмэр болгон танилцуулна. Үзэгчид түүнийг 7-р сарын 29, 30-нд харах боломжтой.
Энэ загварын аэротакси нэг нисгэгч, таван зорчигч тээвэрлэх зориулалттай. 13 цахилгаан хөдөлгүүрийн тусламжтайгаар цагт 200 км хүртэл хурдлах чадвартай бөгөөд нэг цэнэглэлтээр 200 км хүртэл зам туулах боломжтой гэж танилцуулжээ.
Казахстанд нисдэг таксины анхны нислэг 5-р сарын 19-нд Алатау хот дахь Alatau City талбайд болсон. Тэнд хотын агаарын хөдөлгөөнт тээврийн буюу Urban Air Mobility чиглэлээр туршилтын эрх зүйн дэглэм, тусгай бүс байгуулсан байна.
