Улаанбаатарт 196 орны төлөөлөгч ирнэ
Цөлжилттэй тэмцэх НҮБ-ын талуудын 17 дугаар бага хурал буюу COP17 энэ сарын 17-28-ны өдрүүдэд Улаанбаатар хотод зохион байгуулагдана. Тус хурлын үеэр дэлхийн 196 орны зочид, төлөөлөгчид Монголд хүрэлцэн ирэх юм.
Иймээс нийслэлийн авто замын ачааллыг бууруулах зорилгоор зарим худалдааны төвийн автомашины зогсоолыг түр хугацаанд хаахаар болжээ.
Дүнжингарав, Нарантуулын зогсоолыг түр хаана
COP17 хурлын үеэр Дүнжингарав худалдааны төв болон Нарантуул захын автомашины зогсоолыг түр хаах юм байна. Энэ зохицуулалт нь тухайн бүсийн замын хөдөлгөөний ачааллыг багасгах, зочид төлөөлөгчдийн зорчих хөдөлгөөнийг саадгүй зохион байгуулах зорилготой.
Иймээс эдгээр худалдааны төвөөр үйлчлүүлэх иргэдэд зориулан богино эргэлтийн автобус үнэ төлбөргүй явуулахаар болжээ.
Үнэгүй автобус 08-р сарын 17-ноос явж эхэлнэ
Богино эргэлтийн автобус энэ сарын 17-ны 06:00 цагаас эхлэн иргэдэд үнэ төлбөргүй үйлчилнэ.
Үнэгүй үйлчлэх чиглэлүүд:
- Офицеруудын ордон – Нарантуул – Дүнжингарав худалдааны төв
- Дүнжингарав худалдааны төв – Нарантуул зах
Эдгээр чиглэл нь худалдааны төв, захын орчимд автомашины хөдөлгөөнийг бууруулж, иргэдийг нийтийн тээврээр зорчих боломжийг нэмэгдүүлэх юм.
Иргэд нийтийн тээврээр зорчихыг зөвлөж байна
COP17 хурлын үеэр хотын зарим хэсэгт хөдөлгөөний зохицуулалт хийгдэх тул иргэд хувийн автомашинаар зорчихоос илүү нийтийн тээвэр ашиглах нь цаг хэмнэх боломжтой.
Нарантуул, Дүнжингарав орчмын зогсоол түр хаагдах учраас тухайн бүсэд очих иргэд богино эргэлтийн үнэгүй автобусны чиглэлийг урьдчилан тооцож зорчих шаардлагатай байна.
