Дуучин Н.Ундрал уран бүтээлийнхээ анхны бие даасан тоглолтыг үзэгчдэд хүргэхээр болжээ. “Сайхан ч юм даа” нэртэй тоглолт аравдугаар сарын 17-нд “АСА арена”-д болох бөгөөд дуучин энэ удаагийн үдэшлэгээ олон жилийн турш хүсэн хүлээсэн томоохон уран бүтээлийн алхам хэмээн онцолсон байна.
Тэрээр бэлтгэл ажилдаа орсноо өөрийн цахим хуудсаар дамжуулан мэдэгджээ.
“Олон жил хүсэн хүлээсэн мөч минь биеллээ оллоо”
Н.Ундрал тоглолтынхоо талаар:
“Олон жил хүсэн хүлээсэн мөч минь биеллээ олж, бие даасан анхны “Сайхан ч юм даа” тоглолтоо та бүхэндээ хүргэхээр ажилдаа орлоо.
Эх орон, ээж аав, хайр сэтгэл гээд хүний амьдралын бүх л гэрэл гэгээг дуулан та бүхэндээ хүргэж, одоо шалгалтаа өгөхөд бэлэн болжээ.
Ундрал миний бие баг хамт олныхоо хамтаар бүхий л хүчээ дайчлан хичээж гайхалтай тоглолт хүргэх болно оо”
хэмээн бичсэн байна.
Түүний хэлснээр тоглолтын хөтөлбөрт эх орон, ээж аав, хайр сэтгэл болон хүний амьдралын гэгээлэг мөчүүдийг өгүүлэх уран бүтээлүүд багтах аж.
“Сайхан ч юм даа” тоглолт аравдугаар сарын 17-нд болно
Н.Ундралын анхны бие даасан “Сайхан ч юм даа” тоглолт 2026 оны аравдугаар сарын 17-ны 19:00 цагаас “АСА арена”-д зохион байгуулагдана.
Тасалбарыг Ticket.mn сайтаас цахимаар авах боломжтой бөгөөд биет тасалбарыг дараах газруудаас худалдаалж байна:
- Спортын төв ордны урд байрлах Хаан банктай байрны 5 давхрын Ticket.mn оффис
- Shangri-La Mall-ийн B1 давхрын M Trip
- Emart-ын дөрвөн салбарын хэрэглэгчийн үйлчилгээний төв
- Номин Өнөр хороолол, Номин Юнайтед, Номин Макро салбарууд
Ийнхүү Н.Ундрал олон жил хүсэн хүлээсэн анхны бие даасан тоглолтоо үзэгчдэд хүргэхээр бэлтгэлээ эрчимжүүлээд байна.
