$2 саяын шагналын сантай тэмцээнд Монголын баг шөвгийн 16-д үлдлээ
Цахим спортын хамгийн том наадмуудын нэг гэгддэг Esports World Cup 2026 тэмцээний Counter-Strike 2 төрлийн өрсөлдөөн Францын нийслэл Парис хотноо үргэлжилж байна.
Нийт 2 сая ам.долларын шагналын сантай тус тэмцээнд Монголын The MongolZ баг амжилттай тоглож, Playoffs буюу шөвгийн 16 шатанд шалгарлаа.
Шийдвэрлэх тоглолтод Бразилын багийг буулган авав
The MongolZ D хэсгийн эхний тоглолтод Европын magic багийг хожсон. Харин Украины NAVI багт ялагдсанаар доод хүснэгт рүү шилжиж, Playoffs-ийн эрхийн төлөө дахин шийдвэрлэх тоглолт хийх шаардлагатай болсон юм.
Энэ удаа манай баг Бразилын paiN Gaming-тэй учраа таарч, тоглолтыг 2:0 харьцаатай дуусган шөвгийн 16-д шалгарах эрхээ баталгаажууллаа.
Playoffs энэ лхагва гарагаас эхэлнэ
Тэмцээний плей-оффын шат энэ Лхагва гарагт эхэлнэ. Энэхүү ялалтаар MongolZ чансаандаа 36 оноо нэмж, олон улсын тавцан дахь байр сууриа улам бэхжүүлэх чухал үр дүн гарлаа.
Монголын цахим спортын дэлхийн тавцан дахь амжилт өсөн нэмэгдэж байгаатай холбогдуулан 1xBet нь MongolZ-ийн ивээн тэтгэгч болсон нь хөгжөөн дэмжигчдийн анхаарлыг татаж байна.
Аварга баг $600 мянган ам.долларын шагнал хүртэнэ
Esports World Cup 2026-ийн Counter-Strike 2 төрөлд нийт 2 сая ам.доллар шагналын сан зарласан. Тэмцээнд түрүүлсэн баг 600 мянган ам.доллар, хоёрдугаар байр эзэлсэн баг 340 мянган ам.доллар, гуравдугаар байрын баг 190 мянган ам.доллар хүртэх юм.
The MongolZ одоо дэлхийн шилдэг багуудын эсрэг Playoffs шатанд өрсөлдөх бөгөөд Монголын фэнүүд тэдний дараагийн тоглолтыг өндөр хүлээлттэй ажиглаж байна.
