Zendaya болон Tom Holland нарыг аль хэдийн гэрлэсэн гэх яриа дахин эргэлт авчээ. Zendaya-ийн стилист Law Roach өмнө нь хосыг хуримаа хийчихсэн гэж хэлж байсан ч энэ удаа уг мэдэгдэл нь худал байсныг өөрөө хүлээн зөвшөөрсөн байна.
People-ийн мэдээлснээр Law Roach “2026 Emmy Awards”-ийн улаан хивсний үеэр Zendaya, Tom Holland нар одоогоор албан ёсны хуримын ёслол хийгээгүй гэж мэдэгджээ.
“Үнэндээ би худал хэлсэн”
Law Roach-оос өнгөрсөн гуравдугаар сард болсон Actor Awards-ийн үеэр хэлсэн “Хурим аль хэдийн болсон” гэх үгийг нь сануулж, тэр мэдээлэл урьдчилан тохирсон байсан эсэхийг асуусан байна.
Тэрээр:
“Үнэндээ би худал хэлсэн” гэж хариулжээ.
Мөн:
“Zendaya гэрлээгүй. Тэд одоогоор албан ёсны хурим хийгээгүй” гэж тодруулсан байна.
Түүний хэлснээр хос “Dune: Part 3” киноны сурталчилгааны аялал дууссаны дараа хуримаа хийхээр төлөвлөж байгаа аж.
Өмнөх үг нь цуурхлыг улам дэвэргэж байв
Law Roach өмнө нь:
“Хурим аль хэдийн болсон. Та нар бүгд алдсан” гэж хэлснээр Zendaya, Tom Holland нар нууцаар гэрлэсэн гэх яриа хүчтэй тархсан юм.
Zendaya мөн зүүн гарын ядам хуруундаа хуримын бөгжтэй төстэй бөгж зүүж байсан нь фэнүүдийн таамгийг улам нэмэгдүүлжээ.
Харин энэ удаа Law Roach хурим болоогүй гэж дахин хэлсэн ч өөрөө “дахин худал хэлж байж магадгүй” хэмээн хошигносон нь яриаг бүрэн хаасангүй.
Tom Holland Zendaya-г “эхнэр” гэж нэрлэж байжээ
Tom Holland сүүлийн саруудад хэд хэдэн ярилцлага, сурталчилгааны үеэр Zendaya-г “миний эхнэр” гэж нэрлэж байсан нь гэрлэлтийн цуурхлыг улам хүчтэй болгосон байна.
Тэрээр “Spider-Man: Brand New Day” болон “The Odyssey” киноны сурталчилгааны үеэр ч ийм үг хэрэглэж байжээ.
Үүнийг Law Roach:
“Тэр удаан хугацааны турш түүний эхнэр шиг байсан. Гэхдээ одоогоор албан ёсоор биш” гэж тайлбарласан байна.
AI-аар хийсэн хуурамч хуримын зураг хүртэл таржээ
Tom Holland өнгөрсөн зургадугаар сард Esquire-д өгсөн ярилцлагадаа хиймэл оюунаар бүтээсэн хуурамч хуримын зургуудын талаар ярьсан юм.
Тэрээр:
“Эмээ маань өөрийгөө урьсангүй гэж бодсон. Харин гэр бүлийн бусад хүмүүс бүгд тэнд байсан” гэж хэлжээ.
Энэ явдал хосын хуримын тухай цуурхал ямар хэмжээнд хүрснийг харуулсан байна.
Наймдугаар сард гэр бүл, найзуудтайгаа хаалттай арга хэмжээ хийжээ
People-ийн мэдээлснээр Zendaya, Tom Holland нар наймдугаар сарын 4-нд Английн Surrey дахь Beaverbrook зочид буудалд гэр бүл, ойрын хүмүүсийн хүрээнд тусгай баяр зохион байгуулсан байна.
Арга хэмжээ өндөр нууцлалтай болсон бөгөөд зочид буудлын ажилтнууд нууцлалын гэрээнд гарын үсэг зурж, зочид болон ажилтнуудад гар утас ашиглуулахгүй байсан гэх мэдээлэл гарчээ.
Зочид буудлыг бүхэлд нь түрээслэх зардал 670 мянган ам.доллар орчим байсан гэж мэдээлсэн байна.
Гэхдээ энэ арга хэмжээ нь албан ёсны хурим байсан эсэхийг Zendaya болон Tom Holland нар өөрсдөө батлаагүй хэвээр байна.
