Хагас шигшээд АНУ–Словак, Канад–Финланд тоглоно
Италид болж буй өвлийн Олимпын наадмын эрэгтэйчүүдийн хоккейн тэмцээний хагас шигшээ шатанд өрсөлдөх багууд тодорлоо. Хагас шигшээд АНУ-ын шигшээ баг Словакийн багтай, Канадын шигшээ Финландын багтай хүч үзнэ.
Шөвгийн наймын тоглолтуудад АНУ Шведийг нэмэлт цагт 2:1-ээр хожсон бол Словак Германыг 6:2-оор буулган авчээ. Мөн Канад Чехийг нэмэлт цагт 4:3-аар, Финланд Швейцарыг нэмэлт цагт 3:2-оор тус тус ялсан байна.
Тоглолтын хуваарь
Хагас шигшээ тоглолтууд хоёрдугаар сарын 20-нд болно. Хүрэл медалийн төлөөх тоглолт хоёрдугаар сарын 21-нд, финалын тоглолт хоёрдугаар сарын 22-нд зохион байгуулагдана.
