Ким Нам Гил анхны албан ёсны сингл болох “Running To You” дуугаа хөгжмийн платформуудаар цацсанаар дуучны карьерынхаа шинэ үеийг эхлүүллээ.
Тэр энэ удаад рок урсгалаар анхны уран бүтээлээ гаргасан нь анхаарал татаж байна.
Уг төслийг “Rocoberry” агентлаг продюсерлосон бөгөөд тус агентлаг нь Эйлигийн “I Will Go to You Like the First Snow”, Паул Кимийн “Me After You”, Gummy-гийн “Remember Me” зэрэг олонд танигдсан хит дуунуудаараа алдартай юм.
Хэдийгээр энэ нь Ким Нам Гилийн албан ёсны дуучны дебют болж байгаа ч тэр хөгжмийн ертөнцөд огт шинэ хүн биш аж. Тэр өмнө нь хэд хэдэн сингл болон киноны дуу дуулж байсан туршлагатай байна.
