Японы Нагоя хотод үргэлжилж буй Азийн наадмын жүдо бөхийн хүнд жингийн барилдаанууд өндөрлөж, Монголын хоёр тамирчин хүрэл медаль хүртлээ.
Эрэгтэйчүүдийн +100 кг-ын жинд Б.Гончигсүрэн, эмэгтэйчүүдийн +78 кг-ын жинд А.Адъяасүрэн нар гуравдугаар байр эзэлж, Монголын багийн медалийн тоог нэмэв.
Б.Гончигсүрэн хүрлийн төлөө Киргизийн бөхийг ялжээ
Эрэгтэйчүүдийн +100 кг-ын жинд нийт 12 жүдоч өрсөлдсөн байна.
Б.Гончигсүрэн эхний барилдаандаа Казахстаны Yerasyl Kazhybayev-ыг цэвэр ялж, дараагийн шатанд шалгарчээ.
Харин хагас шигшээд Узбекистаны Muzaffarbek Turoboyev-т ялагдсанаар хүрэл медалийн төлөө барилдах болсон байна.
Шийдвэрлэх барилдаанд тэр Киргизийн Emirhan Zholdoshkazyev-тай учраа таарч, юүко үнэлгээгээр илүүрхэн ялснаар хүрэл медалийн эзэн болжээ.
А.Адъяасүрэн мөн хүрэл медаль зүүлээ
Эмэгтэйчүүдийн +78 кг-ын жинд А.Адъяасүрэн хүрэл медалийн төлөө Узбекистаны Umida Nigmatova-тай барилдсан байна.
Тэр өрсөлдөгчөө ялснаар Айчи-Нагоя 2026 Азийн наадмын хүрэл медалийг хүртжээ.
Ингэснээр Монголын жүдочид хүнд жингийн төрөлд нэг өдөр хоёр хүрэл медальтай болж, багийн амжилтыг ахиуллаа.
