Япон улсад үргэлжилж буй Азийн наадмын дугуйн спортын эмэгтэйчүүдийн бөөн гараатай уралдаан өнөөдөр болж, Монголын тамирчид өрсөлдлөө.
Нийт 17 улсын 40 дугуйчин хурд сорьсон тус тэмцээнд Монгол Улсаас Г.Энхжин, Ц.Солонго нар оролцсон байна.
Г.Энхжин 2:55:52 цагийн амжилт үзүүлэв
Монголын тамирчин Г.Энхжин замаа 2 цаг 55 минут 52 секундэд туулж, нийт оролцогчдоос 17 дугаар байрт шалгарчээ.
Харин Ц.Солонго тэмцээний тогтоосон хугацаанд замаа бүрэн дуусгаж чадаагүй байна.
Алтан медалийг БНХАУ-ын тамирчин хүртлээ
Эмэгтэйчүүдийн бөөн гараатай уралдаанд БНХАУ-ын Guo Li 2 цаг 50 минут 05 секундийн амжилтаар түрүүлж, алтан медаль хүртжээ.
Афганистаны Fariba Hashimi мөнгөн медаль хүртсэн бол Хонконгийн Yeung Wing Yan хүрэл медалийн эзэн болсон байна.
Fariba Hashimi Афганистаны дугуйн спортын түүхэнд шинэ амжилт тогтоов
Өдгөө 23 настай Fariba Hashimi энэ удаагийн Азийн наадмаас мөнгөн медаль хүртсэнээр Афганистаны спортын түүхэнд онцгой амжилт үзүүлжээ.
Тэрээр дугуйн төрлөөр Азийн наадмаас эх орондоо медаль авчирсан Афганистаны анхны тамирчин болсон байна.
