BTS хамтлагийн шинэ цомог “ARIRANG” АНУ-ын Billboard 200 жагсаалтыг тэргүүлж, дахин нэг түүхэн амжилтыг тогтоолоо.
Энэхүү амжилтаар тус хамтлаг Billboard 200 чартын нэгдүгээр байрт дебют хийсэн долоо дахь цомогтой болж байна. Өмнө нь “Love Yourself: Tear”, “Love Yourself: Answer”, “Map of the Soul: Persona”, “Map of the Soul: 7”, “Be”, “Proof” зэрэг бүтээлүүд нь мөн шууд тэргүүлж байсан юм.
Billboard 200 нь тухайн долоо хоногт АНУ-д хамгийн өндөр эрэлттэй байгаа цомгуудыг жагсаадаг бөгөөд борлуулалтыг “эквивалент” хэмжүүрээр тооцдог.
Эквивалент борлуулалтын тооцоо
Billboard-ийн систем дараах үзүүлэлтүүдэд тулгуурладаг:
- Цомгийг биетээр худалдан авалт — 1 нэгж
- Дуунуудын 10 удаагийн борлуулалт (TEA) — 1 нэгж
- 1500 удаагийн стрийм (SEA) — 1 нэгж
Шинэ дээд амжилт тогтоов
“ARIRANG” цомог нийт 641 мянган эквивалент борлуулалттайгаар жагсаалтыг тэргүүлсэн нь Billboard энэ аргачлалыг ашиглаж эхэлснээс хойш хамтлагийн хувьд хамгийн өндөр үзүүлэлт болжээ.
