Азийн наадмын 3х3 сагсан бөмбөгийн эрэгтэйчүүдийн төрөлд өрсөлдөж буй Монголын шигшээ баг Казахстаны багийг 13:8-аар хожиж, хэсгийн шатны анхны ялалтаа байгууллаа.
Энэхүү тоглолтод манай баг хамгаалалт, самбарын тэмцэл болон шийдвэрлэх мөчүүдэд илүү тогтвортой байж, өрсөлдөгчөө таван онооны зөрүүтэй буулган авсан байна.
Г.Болор-Эрдэнэ зургаан оноо авч багаа тэргүүлэв
Монголын шигшээгээс Г.Болор-Эрдэнэ зургаан оноо авч, тоглолтын хамгийн үр дүнтэй тоглогчдын нэг болжээ.
Харин Г.Балжинням таван оноо авснаас гадна гурван самбар, хоёр хаалт гүйцэтгэж, довтолгоо болон хамгаалалтын аль алинд ч чухал үүрэг гүйцэтгэсэн байна.
Ингэснээр Монголын баг Казахстаны эсрэг 13:8-аар хожиж, хэсэгтээ нэг хожил, нэг хожигдолтой болоод байна.
Дараагийн өрсөлдөгч нь Шри Ланк
Монголын 3х3 сагсан бөмбөгийн эрэгтэй шигшээ баг хэсгийн сүүлийн тоглолтоо есдүгээр сарын 23-нд Шри Ланкын шигшээ багийн эсрэг хийхээр товложээ.
Энэ тоглолт хэсгийн дараагийн шатны байрлалд чухал нөлөө үзүүлэх боломжтой тул манай багийн хувьд өндөр ач холбогдолтой тоглолт болох юм.
