Айчи-Нагоя 2026: Азийн наадмын түүхэн анхны алтан медалийн эзэн тодорлоо

Япон улсад нээлтээ хийсэн “Айчи-Нагоя 2026” Азийн зуны спортын наадмын медалийн төлөөх өрсөлдөөн эхэлж, тэмцээний анхны медальтнууд тодорлоо.

Наадмын хамгийн эхний алтан медаль триатлоны эрэгтэйчүүдийн ганцаарчилсан төрөлд эзнээ олсон бөгөөд Японы Takumi Hojo түрүүлж, зохион байгуулагч орны медалийн салхийг хагалжээ.

30 настай Takumi Hojo өмнөх Азийн наадмаас холимог хосын төрөлд алтан медаль хүртэж байсан туршлагатай. Харин энэ удаа тэрээр ганцаарчилсан төрөлд өрсөлдөж, дахин аваргын тавцанд гарсан байна.

Японы тамирчин уралдааны замыг 52 минут 56 секундэд туулж, “Айчи-Нагоя 2026” наадмын төдийгүй Японы багийн анхны алтан медалийг авчээ.

Эрэгтэйчүүдийн триатлоны медальтнууд:

• Алтан медаль — Takumi Hojo, Япон
• Мөнгөн медаль — Shi Ru Zhang, БНХАУ
• Хүрэл медаль — Arian Zhanabay, Казахстан

Энэ төрөлд Монгол Улсаас спортын мастер Ганбаатарын Амарсанаа гараанд гарсан юм. Харамсалтай нь Монголын тамирчин уралдааныг бүрэн дуусгаж, барианд орж чадсангүй.

Монголын триатлоны тамирчдын өрсөлдөөн үүгээр дуусахгүй. Эмэгтэйчүүдийн ангилалд Цогийн Аяс болон Ганбаатарын Номуунаа нар Монгол Улсаа төлөөлөн гараанд гарахаар хуваарьт багтжээ.

Ийнхүү “Айчи-Нагоя 2026” Азийн наадмын медалийн өрсөлдөөн триатлоны төрлөөр эхэлж, зохион байгуулагч Япон улс анхны алтан медалийг өөрийн болголоо.