Жүжигчин Ли Кван-су Ерөнхий сайдын магтаал хүртлээ. Тэрбээр аравдугаар сарын 27-нд Сөүл хотын Жун-гу дүүрэгт орших The Westin Josun Seoul зочид буудалд болсон 11 дэх удаагийн Санхүүгийн өдрийн ёслолд оролцжээ.
Түүний агентлаг King Kong by Starship тус ёслолын үеэр авсан зургуудыг албан ёсны бүртгэлдээ байршуулж, Ерөнхий сайдын магтаал хүртсэнд нь баяр хүргэсэн. Зургуунд Ли Кван-су цэцгийн баглаа барьж, цэвэрхэн костюм өмссөн байдалтай харагдаж байна.
Ли Кван-су хүүхдийн эмчилгээний зардлыг дэмжих, тусламжийн бараа хүргэх, буяны үйлсэд авьяас чадвараа хандивлах зэрэг тасралтгүй буяны үйл ажиллагааныхаа төлөө энэхүү магтаалыг хүртсэн байна. Түүний буяны соёлыг түгээх хичээл зүтгэл, хариуцлагатай хадгаламж, хөрөнгө оруулалтын жишиг ч үнэлэгдсэн.
Мөн ёслолын үеэр жүжигчин Пак Ын-бин санхүүгийн салбарын нийгмийн хариуцлагын аянд оролцож, эмзэг бүлгийн иргэдийг дэмжих зорилгоор фен клубтэйгээ хамт хандив өгч, сайн дурын ажил хийснийхээ төлөө Санхүүгийн үйлчилгээний хорооны даргын магтаал хүртжээ.
1985 онд төрсөн Ли Кван-су энэ жил 41 настай. Тэрбээр 2008 онд MBC телевизийн Here He Comes ситкомоор дэбютээ хийсэн. Улмаар The Accidental Detective 2: In Action, Inseparable Bros, Sinkhole зэрэг кино, High Kick Through the Roof, The Innocent Man, The Sound of Your Heart, Live, The Killer’s Shopping List, No Way Out: The Roulette, Karma, The Manipulated, Gold Land зэрэг олон ангит кинонд тогложээ.
Тэрбээр 2027 онд Disney+ платформын A Man’s Man цуврал болон The Gardeners уран сайхны киногоор үзэгчдэд эргэн харагдах төлөвлөгөөтэй байна.
Ли Кван-су 2018 оноос өөрөөсөө есөн насаар дүү жүжигчин Ли Сон-бинтэй олон нийтэд ил харилцаатай байна. Тэд 2016 онд SBS телевизийн Running Man нэвтрүүлгээр танилцсан: тухайн үед Ли Кван-су нэвтрүүлгийн байнгын оролцогч, Ли Сон-бин зочноор оролцсон байна.
Саяхан тэрбээр төлбөртэй фен харилцааны Bubble платформд нэгдэж, найрсаг, тоглоомтой мессежүүдээрээ олон нийтийн талархлыг хүлээсэн.
Эх сурвалж: Daum
